ಮೈಸೂರಿನ ಅಂಗವಿಕಲ ರಕ್ತದಾನಿಗೆ “ಕನ್ನಡ ರಾಜ್ಯೋತ್ಸವ” ರಾಜ್ಯ ಪ್ರಶಸ್ತಿ
“ಕಲರ್ಫುಲ್ ಸುದ್ದಿ ಕನ್ನಡ ಮಾಸ ಪತ್ರಿಕೆ” ವತಿಯಿಂದ ಪ್ರಶಸ್ತಿ
(Mysore) ಮೈಸೂರು : ಬೆಳವಾಡಿಯ ರಕ್ತದಾನಿ ಗಣೇಶ್ ಅವರು “ಕನ್ನಡ ರಾಜ್ಯೋತ್ಸವ” ಪ್ರಶಸ್ತಿಗೆ ಆಯ್ಕೆ ಆಗಿದ್ದಾರೆ.
“ಕಲರ್ಫುಲ್ ಸುದ್ದಿ ಕನ್ನಡ ಮಾಸ ಪತ್ರಿಕೆ” ವತಿಯಿಂದ ರಾಜ್ಯ ಮಟ್ಟದ ಕಾರ್ಯಕ್ರಮದ ವೇದಿಕೆಯಲ್ಲಿ ಈ ಅಭಿನಂದನಾ ರಾಜ್ಯ ಪ್ರಶಸ್ತಿಯನ್ನು ಬೆಂಗಳೂರಿನ ರವೀಂದ್ರ ಕಲಾಕ್ಷೇತ್ರದಲ್ಲಿ ನವೆಂಬರ್ 15 2025 ರಂದು ನೀಡಿ ಗೌರವಿಸಲಾಗುವುದು
ಗಣೇಶ್‌ರವರು ಅಂಗವಿಕಲರಾಗಿದ್ದು ಈವರೆಗೆ ಅವರು 39 ಬಾರಿ ರಕ್ತದಾನ ಮಾಡಿದ್ದಾರೆ. ಅಷ್ಟೇ ಅಲ್ಲದೆ 160 ಜನರಿಗೆ ರಕ್ತ ಏರ್ಪಾಟು ಮಾಡಿಕೊಟ್ಟಿದ್ದಾರೆ.
ಈ ಅಂಗವಿಕಲನಿಗೆ ಸಮಾಜದ ಮೇಲಿರುವ ಕಾಳಜಿಯನ್ನು ಪರಿಗಣಿಸಿ, ಪತ್ರಿಕೆಯ ಸಂಪಾದಕ ರವೀಂದ್ರ ಅವರು ಗಣೇಶ್ ರವರಿಗೆ “ಕನ್ನಡ ರಾಜ್ಯೋತ್ಸವ” ಪ್ರಶಸ್ತಿ ಆಯ್ಕೆ ಪತ್ರದ ಮೂಲಕ ತಿಳಿಸಿದ್ದಾರೆ.
