ಕನ್ನಡ ಶಾಲೆಗಳಲ್ಲಿ ಕನ್ನಡ ಅಧ್ಯಾಪಕರನ್ನು ನೇಮಕ ನೇಮಿಸುವಂತೆ ನಮ್ಮ ಕನ್ನಡ ನಾಡು ಸೇನೆ ಆಗ್ರಹ
ಸರ್ಕಾರ ನಿರ್ಲಕ್ಷಿಸಿದರೆ ಜಿಲ್ಲಾದ್ಯಂತ ದಿನಕ್ಕೊಂದು ಶಾಲೆಯ ಎಂದು ಧರಣಿಯ ಬೆದರಿಕೆ ನೀಡಿದ ಸೇನೆ
(Udupi) ಉಡುಪಿ: ಕನ್ನಡ ಶಾಲೆಗಳಲ್ಲಿ ಕನ್ನಡ ಅಧ್ಯಾಪಕರನ್ನು ನೇಮಕ ನೇಮಿಸುವಂತೆ ನಮ್ಮ ಕನ್ನಡ ನಾಡು ಸೇನೆಯ ಉಡುಪಿ ಜಿಲ್ಲಾಧ್ಯಕ್ಷ ಸುಜಯ ಪೂಜಾರಿಯವರು ಸರಕಾರವನ್ನು ಆಗ್ರಹಿಸಿದ್ದಾರೆ.
ಕನ್ನಡ – ಕನ್ನಡ- ಕನ್ನಡ ಎನ್ನುವ ಕರ್ನಾಟಕದ ಕನ್ನಡ ಶಾಲೆಗಳಲ್ಲಿ ಅಧ್ಯಾಪಕರಿಲ್ಲದ ಗತಿ ಉಂಟಾಗಿದೆ.
ಕನ್ನಡ ಎನ್ನುವ ಶಬ್ದವು ಶಾಶ್ವತವಾಗಿ ಉಳಿಯಲು ಕನ್ನಡ ಶಾಲೆಗಳಲ್ಲಿ ಕೂಡಲೇ ಎಲ್ಲಾ ಅಧ್ಯಾಪಕರ ನೇಮಕ ಆಗಲೇಬೇಕು. ಈ ಬಗ್ಗೆ ರಾಜ್ಯ ಸರ್ಕಾರ ಕ್ರಮ ತೆಗೆದುಕೊಳ್ಳದಿದ್ದಲ್ಲಿ ಪ್ರತಿಯೊಂದು ಶಾಲೆ ಎದುರುಗಡೆ ಜಿಲ್ಲಾದ್ಯಂತ ದಿನಕ್ಕೆ ಒಂದು ಶಾಲೆಯಂತೆ ಧರಣಿ ಮಾಡುವುದಾಗಿ ಸುಜಯ ಪೂಜಾರಿಯವರು ಎಚ್ಚರಿಕೆ ನೀಡಿದ್ದಾರೆ.
ಶಿಕ್ಷಣ ಸಚಿವರಿಗೂ, ಶಿಕ್ಷಣಾಧಿಕಾರಿಗಳಿಗೂ ಹಾಗೂ ಅದಕ್ಕೆ ಸಂಬಂಧಪಟ್ಟ ಎಲ್ಲಾ ಇಲಾಖೆಗೆ ಈ ಮೂಲಕ ಎಚ್ಚರಿಕೆಯನ್ನು ನೀಡುತ್ತಿದ್ದೇವೆ. ಕೂಡಲೆ ಎಲ್ಲಾ ಕನ್ನಡ ಶಾಲೆಗಳಲ್ಲಿ ಕನ್ನಡ ಅಧ್ಯಾಪಕರನ್ನು ನೇಮಕ ಮಾಡಬೇಕೆಂದು ಈ ಮೂಲಕ ವಿನಂತಿಸುತ್ತೇವೆ ಎಂದ ಅವರು, ಆಂಗ್ಲ ಭಾಷೆಯ ಬಗ್ಗೆ ನಮಗೆ ಯಾವುದೇ ಸಮಸ್ಯೆ ಇಲ್ಲ. ಆದರೆ ಕನ್ನಡ ಉಳಿಯಲೇಬೇಕು. ಕನ್ನಡಕ್ಕೆ ಹೆಚ್ಚಿನ ಪ್ರಾತಿನಿಧ್ಯ ಕೊಡಬೇಕಾಗಿಯೂ ಅವರು ಸರಕಾರಕ್ಕೆ ಎಚ್ಚರಿಕೆ ನೀಡಿದ್ದಾರೆ.
