ಪಾವಂಜೆ ಶ್ರೀವಾಣಿ ಶಾಲಾ ವಿದ್ಯಾರ್ಥಿಗಳಿಂದ ಕೃಷಿ ಅಧ್ಯಯನ
ಕಲ್ಕರೆಯ ಯುವ ಕೃಷಿಕ ನೌಫಲ್ ಅವರ ಕೃಷಿ ತೋಟಕ್ಕೆ ಭೇಟಿ ನೀಡಿ ಮಾಹಿತಿ ಪಡೆದ ವಿದ್ಯಾರ್ಥಿಗಳು
(Kinnigoli) ಕಿನ್ನಿಗೋಳಿ: ಕೃಷಿ ಅಧ್ಯಯನ ಪ್ರಯುಕ್ತ ಪಾವಂಜೆ ಶ್ರೀವಾಣಿ ಶಾಲೆಯ 9ನೇ ತರಗತಿ ವಿದ್ಯಾರ್ಥಿಗಳು ಎಳತ್ತೂರು ಗ್ರಾಮದ ಕಲ್ಕರೆಯ ಯುವ ಕೃಷಿಕ ನೌಫಲ್ ಅವರ ಕೃಷಿ ತೋಟಕ್ಕೆ ಭೇಟಿ ನೀಡಿ, ಕೃಷಿ ಚಟುವಟಿಕೆ ಸಂಬಂಧಿತ ಮಾಹಿತಿಗಳನ್ನು ಪಡೆದುಕೊಂಡರು.
ಈ ಸಂದರ್ಭ ಕೃಷಿಕ ನೌಫಲ್ ಇವರು ಭತ್ತ, ತೆಂಗು, ಕಂಗು ಹಾಗೂ ಇನ್ನಿತರ ಬೆಳೆಗಳಿಗೆ ಸಂಬಂಧಿಸಿದ ಮಾಹಿತಿಯನ್ನು ನೀಡಿದರು.
ಈ ಸಂದರ್ಭ ಶಾಲೆಯ ಶಿಕ್ಷಕಿಯರಾದ ರಂಜಿತಾ, ರಕ್ಷಿತಾ, ಪಲ್ಲವಿ, ಪ್ರಜ್ಞಾ, ಶಿವಣ್ಣ ಹಾಗೂ ಸಿಬ್ಬಂದಿಗಳು ಮತ್ತು ಸ್ಥಳೀಯರಾದ ರಫೀಕ್ ಸಾಲೆಮನೆ, ಮುಸ್ತಫಾ, ಹಫೀಝ್, ಝಿಯಾ ಉಪಸ್ಥಿತರಿದ್ದರು.

