ಉಚ್ಚಿಲ ಬದ್ದಿಂಜೆ ಮಠದಲ್ಲಿ ಹರಹರಿ ಸಂಗಮ.
(Uchila) ಉಚ್ಚಿಲ: ಉಚ್ಚಿಲ ಪುರಾಣ ಪ್ರಸಿದ್ಧ ಉಚ್ಚಿಲ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಸ್ಥಾನದ (Uchila Shri Malingeshwara Temple) ವಾರ್ಷಿಕ ರಥೋತ್ಸವ ದ ಕೊನೆಯ ಅಂಗವಾಗಿ ಉಚ್ಚಿಲ ಬದ್ದಿಂಜೆ ಮಠದಲ್ಲಿ ಶ್ರೀ ಮಹಲಿಂಗೇಶ್ವರನ ಹಾಗೂ ಮಹಾವಿಷ್ಣುವಿನ ಸಂಗಮವನ್ನು ಭಕ್ತಾದಿಗಳು ಕಣ್ತುಂಬಿ ಕೊಂಡರು.
ಉಚ್ಚಿಲ ದೇಗುಲ ದಿಂದ ದೇವರ ಬಲಿ ಮೂರ್ತಿಯನ್ನು ಋತ್ವಿಜರು ಮೆರವಣಿಗೆಯೊಂದಿಗೆ ತಂದು, ಬದ್ದಿಂಜೆ ಮಠದ ಪುಷ್ಕರಣಿಯಲ್ಲಿ ಜಳಕ ಮಾಡಿಸಲಾಯಿತು.
ಈ ಸಂದರ್ಭ ತಂತ್ರಿವರ್ಯರು ಹಾಗೂ ಅರ್ಚಕ ವರ್ಗ ಕೆರೆಯಲ್ಲಿ ಜಳಕ ನೆರವೇರಿಸಿದರು.
ತದ ನಂತರ ದೇವರ ಬಲಿ ಮೂರ್ತಿಯನ್ನು ಬದ್ದಿಂಜೆ ಮಠದಲ್ಲಿ ವಿಷ್ಣುವಿನ ಮೂರ್ತಿಯೊಂದಿಗೆ ಇರಿಸಿ ಮಹಾಪೂಜೆ ನೆರವೇರಿಸಲಾಯಿತು.
ಈ ಸಂದರ್ಭ ನೂರಾರು ಸಂಖ್ಯೆಯಲ್ಲಿ ಭಕ್ತಾದಿಗಳು ಉಪಸ್ಥಿತರಿದ್ದರು.
