ಕಾರ್ಕಳ ರಸ್ತೆ ಸಾಣೂರು ಪಿಲಿಕಲ್ಲು ಎಂಬಲ್ಲಿ  ಕಾಣಿಸಿಕೊಂಡ ಚಿರತೆ, ಜನರಲ್ಲಿ ಆತಂಕ (Leopard spotted at Sanur Pilikallu on Karkala Road, causing panic among people)

ಕಾರ್ಕಳ ರಸ್ತೆ ಸಾಣೂರು ಪಿಲಿಕಲ್ಲು ಎಂಬಲ್ಲಿ  ಕಾಣಿಸಿಕೊಂಡ ಚಿರತೆ, ಜನರಲ್ಲಿ ಆತಂಕ

  ಸಂದೀಪ್ ಪೂಜಾರಿ ಪಿಲಿಕಲ್ಲು ಎಂಬುವರಿಗೆ ಕಂಡ ಚಿರತೆ

(Karkala) ಕಾರ್ಕಳ : ಕಾರ್ಕಳ ತಾಲೂಕಿನ ಸಾಣೂರು ಗ್ರಾಮದ ಪಿಲಿಕಲ್ಲು ಎಂಬಲ್ಲಿ ಗುರುವಾರ ರಾತ್ರಿ 8 ಗಂಟೆಯ ಸುಮಾರಿಗೆ ರಸ್ತೆಯಲ್ಲಿ ಚಿರತೆಯೊಂದು ಕಾಣಿಸಿಕೊಂಡಿದ್ದು, ಸ್ಥಳೀಯರು ಆತಂಕಿತರಾಗಿದ್ದಾರೆ.

  ಸಂದೀಪ್ ಪೂಜಾರಿ ಪಿಲಿಕಲ್ಲು ಎಂಬುವರು ಕಾರ್ಕಳ ಪೇಟೆಯಿಂದ ಮನೆಗೆ ಹೋಗುತ್ತಿರುವ ಸಂದರ್ಭದಲ್ಲಿ ಚಿರತೆಯೊಂದು ಅವರಿಗೆ ಕಾಣಿಸಿಕೊಂಡಿದ್ದು, ಚಿರತೆ ಓಡಾಡುವ ದೃಶ್ಯವನ್ನು ಮೊಬೈಲ್ ಕ್ಯಾಮೆರಾದಲ್ಲಿ ಅವರು ಸೆರೆಹಿಡಿದಿದ್ದಾರೆ.

 ಈ ರಸ್ತೆಯ ಸ್ವಲ್ಪ ದೂರದಲ್ಲಿಯೇ, ಶಿಕ್ಷಣ ಸಂಸ್ಥೆಯಿದ್ದು ಮಕ್ಕಳು ಮತ್ತು ಜನರು ಓಡಾಡುವ ಪ್ರದೇಶವಾಗಿದ್ದು  ಆತಂಕಕ್ಕೆ ಕಾರಣವಾಗಿದೆ.

ಕೂಡಲೇ ಸಂಬಂಧಪಟ್ಟ ಇಲಾಖೆ ಈ ಬಗ್ಗೆ ಕ್ರಮ ಕೈಗೊಳ್ಳುವಂತೆ ಜನರು ಆಗ್ರಹಿಸಿದ್ದಾರೆ.