ದಂಡತೀರ್ಥ ವಿದ್ಯಾಸಂಸ್ಥೆಯ ಆವರಣದಲ್ಲಿ ವಿಶ್ವ ಪರಿಸರ ದಿನಾಚರಣೆ
(Kaup) ಕಾಪು : ಕಾಪು ದಂಡತೀರ್ಥ ವಿದ್ಯಾಸಂಸ್ಥೆಯಲ್ಲಿ ವಿಶ್ವ ಪರಿಸರ ದಿನಾಚರಣೆಯನ್ನು ವಿಜ್ಞಾನ ಸಂಘದ ಸಹಯೋಗದಲ್ಲಿ ಆಚರಿಸಲಾಯಿತು.
ಪ್ರಾಥಮಿಕ ವಿಭಾಗದ ಮುಖ್ಯೋಪಾಧ್ಯಾಯರಾದ ಗೇಬ್ರಿಯಲ್ ಮಸ್ಕರೇನ್ಹಸ್ರವರು ಪರಿಸರ ರಕ್ಷಣೆ ಮಾಡುವುದರಿಂದ ಆಗುವ ಲಾಭಗಳ ಕುರಿತು ಮಾಹಿತಿ ನೀಡಿ ಮಕ್ಕಳಿಗೆ ಗಿಡ ವಿತರಿಸಿದರು.
ಬಳಿಕ ಸಂಸ್ಥೆಯ ಆವರಣದಲ್ಲಿ ಸಸಿ ನೆಟ್ಟು ಅದರ ಪೋಷಣೆಯ ಜವಾಬ್ದಾರಿಯನ್ನು ಮಕ್ಕಳಿಗೆ ನೀಡಲಾಯಿತು.
ಸಮಾರಂಭದಲ್ಲಿ ಶಿಕ್ಷಕಿಯರಾದ ಅನುಪಮ, ದೀಪಲಕ್ಷ್ಮಿ, ಹೇಮ ಧನಂಜಯ, ಸುನೀತ ಜನಾರ್ದನ , ಶಿಕ್ಷಕ ಶಿಕ್ಷಕೇತರರು, ಮಕ್ಕಳು ಉಪಸ್ಥಿತರಿದ್ದರು.
ನಿಭಾ ಪರಿಸರ ದಿನಾಚರಣೆಯ ಮಹತ್ವವನ್ನು ವಿವರಿಸಿದರು.
ಹಾರ್ದಿಕ್ ಸ್ವಾಗತಿಸಿದರು. ಪ್ರವೀತ್ ನಿರೂಪಿಸಿದರು. ಇಶಿಕ ವಂದಿಸಿದರು.
