ಭಾರತದ ಹೆಮ್ಮೆಗೆ ಕಾರಣವಾಗಿರುವ ಚಂದ್ರಯಾನ 3 ತನ್ನ ಪಯಣ ಆರಂಭ
ಸಂಪೂರ್ಣ ಭಾರತದ ಹೆಮ್ಮೆಗೆ ಕಾರಣವಾಗಿರುವ ಚಂದ್ರಯಾನ 3 ತನ್ನ ಪಯಣ ಆರಂಭಿಸಿದೆ.
ಇಂದು ಮಧ್ಯಾಹ್ನ 2:35ಕ್ಕೆ ಸರಿಯಾಗಿ ಆಂಧ್ರ ಪ್ರದೇಶದ ಶ್ರೀಹರಿಕೋಟಾದಿಂದ ಉಡಾವಣೆ ಮಾಡಲಾಗಿದೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ ಆಗಸ್ಟ್ 23ರಂದು ಈ ಬಾಹ್ಯಾಕಾಶ ನೌಕೆಯು ಚಂದ್ರನ ಅಂಗಳಕ್ಕೆ ಇಳಿಯಲಿದೆ.
ಈಗಾಗಲೇ ಮೂರು ರಾಷ್ಟ್ರಗಳು ಚಂದ್ರನ ಅಂಗಳಕ್ಕೆ ತಮ್ಮ ಬಾಹ್ಯಾಕಾಶ ನೌಕೆಯನ್ನು ಇಳಿಸಿವೆ. ಭಾರತವೂ ಈ ಪಟ್ಟಿಗೆ ಸೇರಲಿ ಎಂದು ಇಡೀ ದೇಶವೇ ಪ್ರಾರ್ಥಿಸುತ್ತಿದೆ. ಬಾಹುಬಲಿ ರಾಕೆಟ್ ಎಂದು ಕರೆಯಲ್ಪಡುವ ಜಿಎಸ್ಎಲ್ವಿ ಮಾರ್ಕ್ 3 ಹೆವಿ ಲಿಫ್ಟ್ ಉಡಾವಣಾ ವಾಹನದಲ್ಲಿ ಚಂದ್ರನ ಲ್ಯಾಂಡರ್ ವಿಕ್ರಮ್ ಅನ್ನು ಕೂರಿಸಲಾಗಿದೆ.
ಚಂದ್ರಯಾನ 3 40 ದಿನಗಳ ಪ್ರಯಾಣವಾಗಿದ್ದು ಆಗಸ್ಟ್ 23ರವರೆಗೆ ಕಾಯಬೇಕಿದೆ. ಚಂದ್ರಯಾನ 2 2019ರಲ್ಲಿ ಕೊನೆಯ ಕ್ಷಣದಲ್ಲಿ ವಿಫಲವಾಗಿತ್ತು. ಈ ಬಾರಿ ಈ ರೀತಿ ಆಗದೇ ಇರಲಿ ಎಂದು ಇಡೀ ದೇಶವೇ ಹಾರೈಸಿದೆ.
