ಮಂಗಳೂರು : ಪೆಟ್ರೋಲ್ ಸುರಿದು ತಾನೇ ಬೆಂಕಿ ಹಚ್ಚಿ ಕಾರ್ಮಿಕನನ್ನು ಮಾಲೀಕನೇ ಕೊಂದು ಹಾಕಿದ ಘಟನೆ ಮಂಗಳೂರಿನ ಮುಳಿಹಿತ್ಲು ಜಂಕ್ಷನ್ ಬಳಿಯಲ್ಲಿ ಸಂಭವಿಸಿದೆ.
ಉತ್ತರ ಭಾರತ ಮೂಲದ ಗಜ್ಞಾನ್ ಅಲಿಯಾಸ್ ಜಗು ಕೊಲೆಯಾದ ಕಾರ್ಮಿಕ.
ಮುಶುಪಾ ಜನರಲ್ ಸ್ಟೋರ್ ಮಾಲೀಕನಾದ ತೌಸಿಫ್ ಹುಸೈನ್ ಎಂಬಾತ ಈ ದುಷ್ಕೃತ್ಯ ಎಸಗಿದ್ದಾನೆ.
ಶನಿವಾರ ಬೆಳಗ್ಗೆ 7:30ರ ಸುಮಾರಿಗೆ ಜಗುಗೆ ಪೆಟ್ರೋಲ್ ಸುರಿದು ಬೆಂಕಿ ಹಚ್ಚಿ ಆತನನ್ನು ಕೊಂದಿದ್ದ ತೌಸಿಫ್ ಹುಸೈನ್ ಈ ಘಟನೆಯಿಂದ ತನ್ನನ್ನು ತಾನು ಬಚಾವ್ ಮಾಡೋಕೆ ಹೊಸ ಕತೆಯನ್ನು ಹೆಣೆದಿದ್ದ. ಮಶುಪಾ ಜನರಲ್ ಸ್ಟೋರ್ ಸಮೀಪವೇ ಈ ಕೃತ್ಯ ಎಸಗಿದ್ದ ಪಾಪಿ ಮಧ್ಯಾಹ್ನ 1:30ರ ಸುಮಾರಿಗೆ ವೆನ್ಲಾಕ್ ಆಸ್ಪತ್ರೆಗೆ ಜಗು ಮೃತದೇಹವನ್ನು ರವಾನೆ ಮಾಡಿದ್ದ.
ಇಲ್ಲಿ ವಿದ್ಯುತ್ ಶಾಕ್ನಿಂದ ಜಗು ಮೃತಪಟ್ಟಿದ್ದಾನೆ ಎಂದು ಸುಳ್ಳು ಕಾರಣ ನೀಡಿದ್ದಾನೆ.
ಆದರೆ ತೌಸಿಫ್ ನಡವಳಿಕೆಯಿಂದ ಅನುಮಾನಗೊಂಡ ಪಾಂಡೇಶ್ವರ ಠಾಣಾ ಪೊಲೀಸರು ಸೂಕ್ತ ತನಿಖೆ ನಡೆಸಿದ್ದಾರೆ. ವಿಚಾರಣೆ ವೇಳೆ ತೌಸಿಫ್ ತಾನೇ ಈ ಕೃತ್ಯ ಎಸಗಿದ್ದು ಪ್ರಕರಣವನ್ನು ತಿರುಚಲು ಈ ರೀತಿ ಸುಳ್ಳು ಹೇಳಿದ್ದಾಗಿ ಒಪ್ಪಿಕೊಂಡಿದ್ದಾನೆ.
ಈ ಸಂಬಂಧ ತೌಸಿಫ್ ಹುಸೈನ್ನನ್ನು ಪಾಂಡೇಶ್ವರ ಠಾಣಾ ಪೊಲೀಸರು ಬಂಧಿಸಿದ್ದಾರೆ.
