ಮೆದುಳಿಗೆ ಚಿಪ್ ಅಳವಡಿಕೆ ಯಶಸ್ವಿ: ಯಶಸ್ವಿ ಉದ್ಯಮಿ, ಎಲಾನ್ ಮಸ್ಕ್ ಘೋಷಣೆ
(US) ಅಮೆರಿಕ: ಯಶಸ್ವಿ ಉದ್ಯಮಿ ಎಲಾನ್ ಮಸ್ಕ್ (Elon Musk) ಒಡೆತನದ ನ್ಯೂರಾಲಿಂಕ್ ಕಂಪೆನಿಯು ವೈರ್ಲೆಸ್ ಬ್ರೌನ್ ಚಿಪ್ಗಳಲ್ಲಿ ಒಂದನ್ನು ಮೊದಲ ಬಾರಿಗೆ ಯಶಸ್ವಿಯಾಗಿ ಮಾನವನಿಗೆ ಅಳವಡಿಸಿದೆ ಎಂದು ಎಲಾನ್ ಮಸ್ಕ್ ಹೇಳಿಕೊಂಡಿದ್ದಾರೆ.
ಈ ಚಿಪ್ ವ್ಯಕ್ತಿಯ ನರಗಳ ಪ್ರಚೋದನೆಯನ್ನು ಪತ್ತೆ ಹಚ್ಚಿದೆ ಮತ್ತು ಚಿಪ್ ಅಳವಡಿಸಿಕೊಂಡ ವ್ಯಕ್ತಿಯು ಚೇತರಿಸಿಕೊಳ್ಳುತ್ತಿದ್ದಾರೆ ಎಂದು ಎಲಾನ್ ಮಸ್ಕ್ ತಿಳಿಸಿದ್ದಾರೆ.
ಮಾನವ ಮೆದುಳನ್ನು ಕಂಪ್ಯೂಟರ್ಗಳಿಗೆ ಸಂಪರ್ಕಿಸುವುದು ಕಂಪೆನಿಯ ಗುರಿಯಾಗಿದೆ. ಇದು ಸಂಕೀರ್ಣ ನರವೈಜ್ಞಾನಿಕ ಪರಿಸ್ಥಿತಿಗಳನ್ನು ನಿಭಾಯಿಸಲು ಸಹಾಯ ಮಾಡುತ್ತದೆ ಎಂದು ಅವರು ಹೇಳಿದ್ದಾರೆ.
ಈಗಾಗಲೇ ಹಲವಾರು ಕಂಪೆನಿಗಳು ಇದೇ ರೀತಿಯ ಸಾಧನಗಳನ್ನು ಮಾಡಿದ್ದು ಇದನ್ನು ಅಳವಡಿಸಲು ನ್ಯೂರಾಲಿಂಕ್ ಮತ್ತು ಯುಎಸ್ ನ (US) ವೈದ್ಯಕೀಯ ನಿಯಂತ್ರಕ, ಆಹಾರ ಮತ್ತು ಔಷಧ ಆಡಳಿತ (FDA) ಸಂಪರ್ಕಿಸಿದೆ.
ಎಲಾನ್ ಮಸ್ಕ್ ಅವರ ಕಂಪೆನಿಗೆ ಮೇ ತಿಂಗಳಲ್ಲಿ ಎಫ್ಡಿಎಯಿಂದ ಮಾನವನ ಮೇಲೆ ಚಿಪ್ ಅನ್ನು ಪರೀಕ್ಷಿಸಲು ಅನುಮತಿ ನೀಡಲಾಯಿತು. ಇದರ ಅನುಮೋದನೆಗೆ ಕಂಪೆನಿ ಸಾಕಷ್ಟು ಬಾರಿ ಪ್ರಯತ್ನಿಸಿದೆ. ಆದರೆ ಇದೀಗ ಅನುಮತಿ ನೀಡಲಾಗಿದೆ. ಹೀಗಾಗಿ ಇದೊಂದು ಕಂಪೆನಿಯ ಪಾಲಿಗೆ ಮೈಲುಗಲ್ಲೂ ಎಂದು ಹೇಳಲಾಗುತ್ತಿದೆ.
ಮಾನವನ ಮೇಲೆ ಚಿಪ್ ಅಳವಡಿಸಿ ಆರು ವರ್ಷಗಳ ಅಧ್ಯಯನಕ್ಕೆ ಹಸಿರು ನಿಶಾನೆಯನ್ನು ನೀಡಲಾಗಿದೆ. ಕೂದಲಿಗಿಂತ ತೆಳ್ಳಗಿನ 64 ಹೊಂದಿಕೊಳ್ಳುವ ಎಳೆಗಳಿರುವ ಚಲನೆಯ ಉದ್ದೇಶವನ್ನು ನಿಯಂತ್ರಿಸುವ ಮೆದುಳಿನ ಭಾಗದಲ್ಲಿ ರೋಬೋಟ್ ಬಳಸಿ ಶಸ್ತ್ರಚಿಕಿತ್ಸೆಯ ಮೂಲಕ ಚಿಪ್ ಅನ್ನು ಅಳವಡಿಸಲಾಗಿದೆ ಎಂದು ನ್ಯೂರಾಲಿಂಕ್ ತಿಳಿಸಿದೆ.
ಚಿಪ್ ನಲ್ಲಿರುವ ಥೈಡ್ಗಳು ಪ್ರಾಯೋಗಿಕ ಇಂಪ್ಲಾಂಟ್ ಗೆ ಮಾತ್ರ ಅನುಮತಿ ನೀಡಿದೆ. ವೈರ್ಲೆಸ್ ಆಗಿ ಚಾರ್ಜ್ ಮಾಡಬಹುದಾದ ಬ್ಯಾಟರಿಯಿಂದ ಚಾಲಿತ ಮೆದುಳಿನ ಸಂಕೇತಗಳನ್ನು ವೈರ್ಲೆಸ್ ಆಗಿ ರೆಕಾರ್ಡ್ ಮಾಡಲು ಮತ್ತು ವ್ಯಕ್ತಿಯು ಹೇಗೆ ಚಲಿಸಲು ಬಯಸುತ್ತಾನೆ ಎಂಬುದನ್ನು ಡಿಕೋಡ್ ಮಾಡುವ ಅಪ್ಲಿಕೇಶನ್ಗೆ ಇದು ರವಾನಿಸುತ್ತದೆ.
ಈ ಬಗ್ಗೆ ಎಲಾನ್ ಮಸ್ಕ್ ಈ ಹಿಂದೆ ಟ್ವಿಟರ್ ನಲ್ಲಿ ಪೋಸ್ಟ್ ಮಾಡಿ ನ್ಯೂರಾಲಿಂಕ್ನ ಮೊದಲ ಉತ್ಪನ್ನವನ್ನು ಟೆಲಿಪತಿ ಎಂದು ಕರೆಯಲಾಗುವುದು ಎಂದು ಹೇಳಿದ್ದರು.
ಟೆಲಿಪತಿಯು ನಿಮ್ಮ ಫೋನ್ ಅಥವಾ ಕಂಪ್ಯೂಟರ್ನ ಟೆಲಿಪತಿಯು ನಿಮ್ಮ ಫೋನ್ ಅಥವಾ ಕಂಪ್ಯೂಟರ್ನ ನಿಯಂತ್ರಣವನ್ನು ಮತ್ತು ಅವುಗಳ ಮೂಲಕ ಯಾವುದೇ ಸಾಧನವನ್ನು ಕೇವಲ ಯೋಚಿಸುವ ಮೂಲಕ ಸಕ್ರಿಯಗೊಳಿಸುತ್ತದೆ ಎಂದು ಅವರು ತಿಳಿಸಿದ್ದರು.
ಅಂಗಾಂಗಗಳ ಬಳಕೆಗೆ ದುರ್ಬಲವಾಗಿರುವವರಿಗೆ ಇದು ಸಹಾಯಕವಾಗಿದೆ. ಮೋಟಾರ್ ನ್ಯೂರಾನ್ ಕಾಯಿಲೆಯಿಂದ ಬಳಲುತ್ತಿದ್ದ ಬ್ರಿಟಿಷ್ ವಿಜ್ಞಾನಿ ಸ್ಟೀಫನ್ ಹಾಕಿಂಗ್ ಅವರು ವೇಗದ ಟೈಪಿಸ್ಟ್ ಅಥವಾ ವೇಗವಾಗಿ ಸಂವಹನ ನಡೆಸಬಹುದಿತ್ತು. ಇದುವೇ ನ್ಯೂರಾಲಿಂಕ್ ನ ಗುರಿಯಾಗಿದೆ ಎಂದು ಮಸ್ಕ್ ಹೇಳಿದ್ದಾರೆ.
ಸುಮಾರು ಎರಡು ದಶಕಗಳಿಂದ ಕೆಲವು ಕಂಪೆನಿಗಳು ಮಾನವನ ಮೆದುಳನ್ನು ಅಧ್ಯಯನ ಮಾಡಲು ಚಿಪ್ ತಯಾರಿಸುವ ಕಾರ್ಯದಲ್ಲಿ ತೊಡಗಿಕೊಂಡಿದ್ದರು. ಎಲಾನ್ ಮಸ್ಕ್ ನ್ಯೂರಾಲಿಂಕ್ ನ ಒಡೆತನ ವಹಿಸಿಕೊಂಡ ಮೇಲೆ ಅದರ ಚಟುವಟಿಕೆಗಳಿಗೆ ವೇಗ ಸಿಕ್ಕಂತಾಗಿದೆ.
ನ್ಯೂರಾಲಿಂಕ್ ಸಹ-ಸಂಸ್ಥಾಪಕರಿಂದ ರೂಪುಗೊಂಡ ಈ ಚಿಪ್ ನರವಿಜ್ಞಾನವು ಪಾರ್ಶ್ವವಾಯು ಹೊಂದಿರುವ ಜನರಿಗೆ ಸಹಾಯ ಮಾಡುವ ಗುರಿಯನ್ನು ಹೊಂದಿದೆ.
