2ನೇ ಆಯುರ್ವೇದ ವಿಶ್ವ ಶಿಖರ : ಮುನಿಯಾಲ್ ಆಯುರ್ವೇದ ಅಧ್ಯಾಪಕರಿಗೆ ಗೌರವ
ಅಭಿನಂದನೆ ಸಲ್ಲಿಸಿದ ಆಡಳಿತ ಮಂಡಳಿ, ಅಧ್ಯಾಪಕ ವೃಂದ, ವಿದ್ಯಾರ್ಥಿಗಳು
(Manipala) ಮಣಿಪಾಲ : ಮಣಿಪಾಲ ಮುನಿಯಾಲ್ ಇನ್ಸ್ಟಿಟ್ಯೂಟ್ ಆಫ್ ಆಯುರ್ವೇದ ಕಾಲೇಜು ಮತ್ತು ಆಸ್ಪತ್ರೆಯ ಅಧ್ಯಾಪಕರು 2ನೇ ಆಯುರ್ವೇದ ವಿಶ್ವ ಸಮ್ಮೇಳನದಲ್ಲಿ ವಿಶಿಷ್ಟ ಸಾಧನೆ ಮಾಡುವ ಮೂಲಕ ಸಂಸ್ಥೆಗೆ ಅಪಾರ ಗೌರವವನ್ನು ತಂದಿದ್ದಾರೆ.
ಆಯುರ್ವೇದ ವೃತ್ತಿಪರರಿಗಾಗಿ ಆಯೋಜಿಸಲಾದ ಥೀಸಿಸ್ ಮತ್ತು ಕೇಸ್ ಪೇಪರ್ ಪ್ರಸ್ತುತಿಕೆ ಸ್ಪರ್ಧೆಗಳಲ್ಲಿ ಭಾರೀ ಸ್ಪಂದನೆ ದೊರೆತಿದ್ದು, 75ಕ್ಕಿಂತ ಹೆಚ್ಚು ಥೀಸಿಸ್ ಪೇಪರ್ಗಳು ಹಾಗೂ 173 ಕೇಸ್ ಪೇಪರ್ಗಳು ಪ್ರಸ್ತುತಗೊಂಡವು.
ಸಹಾಯಕ ಪ್ರಾಧ್ಯಾಪಕಿ ಡಾ. ಸಿಲ್ವಿನಿಯಾ ಅನಿತರಾಜ್ ಫೆರ್ನಾಂಡಿಸ್ ರವರು ರೋಗ ನಿದಾನ ವಿಭಾಗದ ಥೀಸಿಸ್ ಪೇಪರ್ ಪ್ರಸ್ತುತಿಕೆಯಲ್ಲಿ ಪ್ರಥಮ ಬಹುಮಾನ ಗಳಿಸಿದ್ದಾರೆ.
ಸಹಾಯಕ ಪ್ರಾಧ್ಯಾಪಕಿ, ಡಾ. ವರುಣಿ ಎಸ್ ಬಾಯರಿಯವರು ರೋಗಿ ಪ್ರಕರಣ ಪ್ರಸ್ತುತಿಕೆಯಲ್ಲಿ ಪ್ರಥಮ ಬಹುಮಾನವನ್ನು ಪಡೆದುಕೊಂಡಿದ್ದಾರೆ.
ಸಹ ಪ್ರಾಧ್ಯಾಪಕಿ ಡಾ. ವತ್ಸಲಾ ನಾಯಕ್ ಬೈಷಜ್ಯ ಪಲ್ಪನ ವಿಭಾಗ ಥೀಸಿಸ್ ಪ್ರಸ್ತುತಿಕೆಯಲ್ಲಿ ಪ್ರೇರಣಾತ್ಮಕ ಬಹುಮಾನವನ್ನು ಪಡೆದಿದ್ದಾರೆ.
ಈ ಸಾಧನೆಯು ಮುನಿಯಾಲ್ ಆಯುರ್ವೇದದ ಅಧ್ಯಾಪಕರ ಶೈಕ್ಷಣಿಕ ಶ್ರೇಷ್ಠತೆ, ಸಂಶೋಧನಾ ಸಾಮರ್ಥ್ಯ ಮತ್ತು ಆಯುರ್ವೇದ ವಿದ್ಯೆಯ ಪ್ರಚಾರದ ಮೇಲಿನ ನಿಷ್ಠೆಯನ್ನು ಪ್ರತಿಬಿಂಬಿಸುತ್ತದೆ.
ಸಂಸ್ಥೆಯ ಆಡಳಿತ ಮಂಡಳಿ, ಅಧ್ಯಾಪಕ ವೃಂದ ಮತ್ತು ವಿದ್ಯಾರ್ಥಿಗಳು ಈ ಸಾಧನೆಗೆ ಹರ್ಷ ವ್ಯಕ್ತಪಡಿಸಿ, ಪ್ರಶಸ್ತಿ ವಿಜೇತರಿಗೆ ಹೃತ್ಪೂರ್ವಕ ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ.
