ಗಾಳಿ– ಮಳೆ ಇಲ್ಲದಿದ್ದರೂ ತೋಕೂರು ಜನತೆಗೆ ಕರೆಂಟ್ ನದ್ದೇ ಸಮಸ್ಯೆ
ಮೆಸ್ಕಾಂ ವಿಭಾಗದ ಮೇಲಧಿಕಾರಿಗಳ ಗಮನಕ್ಕೆ ತರಲು ಗ್ರಾಮಸ್ಥರು ಸಜ್ಜು
(Mulki) ಮುಲ್ಕಿ: ಮೂಲ್ಕಿ ಮೆಸ್ಕಾಂ ವ್ಯಾಪ್ತಿಯಲ್ಲಿ ಬರುವ ಹಳೆಯಂಗಡಿ ಹತ್ತನೇ ತೋಕೂರಿನಲ್ಲಿ ಮಾತ್ರ ವಿದ್ಯುತ್ ಸದಾಕಾಲ ಕಣ್ಣಾಮುಚ್ಚಾಲೆ ಆಡುತ್ತಿದೆ.
ಮೆಸ್ಕಾಂಗೆ ಕರೆ ಮಾಡಿದ್ರೆ ಲೈನ್ ಫಾಲ್ಟ್, ಟಿಸಿ ಫೇಲ್, ಟ್ರಿಪ್ ಆಗಿದೆ, ಬರ್ತದೆ, ಲೈನ್ ಗೆ ಗೆಲ್ಲು ಬಿದ್ದಿರ್ಬೇಕು ಇತ್ಯಾದಿ ರೆಡಿಮೇಡ್ ಉತ್ತರಗಳು ಬರುತ್ತಿದೆ.
ತೋಕೂರಿನಲ್ಲಿ ಮಳೆ ಜೋರಾಗಿ ಸುರಿಯುವಾಗ ರಾತ್ರಿಯಿಡೀ ಕರೆಂಟ್ ಇರುವುದಿಲ್ಲ ಆದರೆ, ಬಿಸಿಲು ಇರುವಾಗಲೂ ಕರೆಂಟ್ ಕಣ್ಣು ಮುಚ್ಚಾಲೆ ಇರುತ್ತದೆ.
ಈ ಬಗ್ಗೆ ಸ್ಥಳೀಯ ಅಧಿಕಾರಿಗಳು ಗಮನ ಕೊಡದ ಕಾರಣ ಮೆಸ್ಕಾಂ ವಿಭಾಗದ ಮೇಲಧಿಕಾರಿಗಳ ಗಮನಕ್ಕೆ ತರಲು ಗ್ರಾಮಸ್ಥರು ಸಜ್ಜಾಗಿದ್ದಾರೆ.
ಗುರುವಾರ ಇಡೀ ದಿನ ಪವರ್ ಕಟ್, ರಾತ್ರಿ ಹತ್ತಾರು ಬಾರಿ ಸಕಾರಣವಿಲ್ಲದೆ ಪವರ್ ಕಟ್ ಮಾಡೋದ್ರಿಂದ ತೋಕೂರು ಗ್ರಾಮ ದ್ವೀಪದಂತೆ ಭಾಸವಾಗುತ್ತಿದೆ. ಇನ್ನಾದರೂ ಸಂಬಂಧಪಟ್ಟ ಇಲಾಖೆ ಸಮಸ್ಯೆ ಬಗೆಹರಿಸಲು ಪ್ರಾಮಾಣಿಕ ಪ್ರಯತ್ನ ಕೈಗೊಳ್ಳಬೇಕಿದೆ.
