ಶಂಕರಪುರ ದ್ವಾರಕಾಮಾಯಿ ಮಠದಲ್ಲಿ ಪಾನಪ್ರಿಯ ಕಾಲಭೈರವ ಸ್ವಾಮಿ ಪ್ರತಿಷ್ಠೆ, ಸಾಧು ಸಂತರಿಗೆ  ಗುರುವಂದನೆ

ಶಂಕರಪುರ : ಶಂಕರಪುರ ದ್ವಾರಕಾಮಾಯಿ ಮಠ ಶ್ರೀಸಾಯಿ ಮುಖ್ಯಪ್ರಾಣ ದೇವಸ್ಥಾನದಲ್ಲಿ ಗುರುವರ್ಯರಾದ ಶ್ರೀ ಪ್ರವೀಣ್‌ರಾಜ್ ಮಚ್ಚೇಂದ್ರನಾಥ ಬಾಬಾರ(Pravinraj Macchendranath Baba)  ಉಪಸ್ಥಿತಿಯಲ್ಲಿ ಧರ್ಮದರ್ಶಿಗಳಾದ ಶ್ರೀ ಸಾಯಿ ಈಶ್ವರ್ ಗುರೂಜಿ (Sri Sai Eswar Guruji) ನೇತೃತ್ವದಲ್ಲಿ ಶಿಲಾಮಯ ಗುಡಿಯಲ್ಲಿ ಉಜ್ಜಯಿನಿ ಸಂಕಲ್ಪದಂತೆ ಪಾನಪ್ರಿಯ ಕಾಲಭೈರವ ಸ್ವಾಮಿ ಪ್ರತಿಷ್ಠೆ ಸಂಪನ್ನಗೊಂಡಿತು.

ಆ ಪ್ರಯುಕ್ತ ಕ್ಷೇತ್ರದ ತಂತ್ರಿಗಳಾದ ವೇ|ಮೂ|ದೇವದಾಸ ತಂತ್ರಿ (Devdas Thantri, Mumbai) ಮುಂಬಯಿ ಪೌರೋಹಿತ್ಯದಲ್ಲಿ ಗಣಪತಿ ಹೋಮ, ನವಗ್ರಹ ಶಾಂತಿ, ಪ್ರತಿಷ್ಠಾ ಪ್ರಧಾನ ಹೋಮ, ಅಷ್ಟಬಂಧ ಪ್ರತಿಷ್ಠೆ, ಕಲಶಾಭಿಷೇಕ, ಮಹಾಪೂಜೆ ಜರಗಿತು.

ನಾನಾ ರಾಜ್ಯಗಳ ಸಾಧು ಸಂತರಿಗೆ, ಗುರುವರೇಣ್ಯರಿಗೆ ಗುರುವಂದನೆ, ಸಾಧಕರಿಗೆ ಭಜಕ ಹರಿಪ್ರಿಯ ಪ್ರಶಸ್ತಿ ಪ್ರಧಾನ, ಗುರುಸಂದೇಶ, ಮಹಾ ಅನ್ನಸಂತರ್ಪಣೆ, ಭಜನೆ, ದೀಪಾರಾಧನೆ ನೆರವೇರಿತು.

 ಕಾರ್ಯಕ್ರಮದ ಬಳಿಕ ಹಟ್ಟಿಯಂಗಡಿ ಮೇಳದವರಿಂದ ಶಿವಶಕ್ತಿ ಪಂಜುರ್ಲಿಯಕ್ಷಗಾನ ಬಯಲಾಟ ಪ್ರದರ್ಶನಗೊಂಡಿತು.

ಈ ಸಂದರ್ಭ ಮಾಣಿಲ ಕ್ಷೇತ್ರದ ಶ್ರೀ ಮೋಹನದಾಸ ಪರಮಹಂಸ ಸ್ವಾಮೀಜಿ, ಮೂಡಬಿದ್ರಿ ಶ್ರೀದಿಗಂಬರ ಮಠದ ಜಗದ್ಗುರು ಡಾ| ಚಾರುಕೀರ್ತಿ ಭಟ್ಟಾರಕ ಪಂಡಿತ್ ಆಚಾರ್ಯ (DR Charukeerthi Bhattaraka Acharya) ಮಹಾಸ್ವಾಮೀಜಿ,  ಬೆಂಗಳೂರು ಶ್ರೀ ಸಿದ್ಧಿವಿನಾಯಕ ಶರಭೇಶ್ವರ ಪೀಠದ ಮಹರ್ಷಿ ಜಯಶ್ರೀನಿವಾಸನ್ ಗುರೂಜಿ, ಮಂಗಳೂರು ಓಂ ಶ್ರೀ ಮಠದ ಮಹಾ ಮಂಡಲೇಶ್ವರ ಸ್ವಾಮಿ, ಓಂ ಶ್ರೀವಿದ್ಯಾನಂದ ಸರಸ್ವತಿ ಮಹಾರಾಜ್, ಕನ್ಯಾನ ಕಣಿಯೂರು ಶ್ರೀ ಚಾಮುಂಡೇಶ್ವರಿ ದೇವಿ ಕ್ಷೇತ್ರದ ಶ್ರೀ ಮಹಾಬಲೇಶ್ವರ ಸ್ವಾಮೀಜಿ, ಶ್ರೀ ಮಾತಾಶ್ರೀ ಓಂ ಶ್ರೀ ಶಿವಜ್ಞಾನಮಣಿ ಸರಸ್ವತಿ, ಧಾರವಾಡ ಶ್ರೀ ಪರಮಾತ್ಮ ಪೀಠದ ಸರ್ವತತ್ವ ಸಮನ್ವಯ ಶ್ರೀ ಪರಮಾತ್ಮಜಿ ಮಹಾರಾಜ್,  ಚಿಕ್ಕಮಗಳೂರು ಕಡೂರು ಶ್ರೀ ಅಯ್ಯಪ್ಪ ಧರ್ಮಪೀಠಂನ ಶ್ರೀ ಭದ್ರರಾಜ ಸ್ವಾಮೀಜಿ, ಎ.ಬಿ.ಎಸ್.ಎಸ್. ಕೇರಳ ಪ್ರಮುಖ್ ಶ್ರೀ ಸ್ವಾಮಿಪ್ರಭಾಕರಾನಂದ ಸರಸ್ವತಿ, ತಮಿಳುನಾಡು ಪ್ರಮುಖ್ ಶ್ರೀ ಯುಗ ಧರ್ಮಗುರು ಗರುಡಾನಂದಜೀ ಮಹಾರಾಜ್, ಎ.ಬಿ.ಎಸ್ ರಾಜ್ಯದ ಪ್ರಧಾನ ಕಾರ್ಯದರ್ಶಿ ಸ್ವಾಮಿ ಡಾ|ಅಣ್ಣಮಲೈ ಸಿದ್ಧರ್‌ಜೀ ಮಹಾರಾಜ್ ತಮಿಳುನಾಡು ಸಹಿತ ದೇಶದ ನಾನಾ ರಾಜ್ಯಗಳ ಸಾಧು ಸಂತರು, ಧರ್ಮದರ್ಶಿಗಳನ್ನು ಸನ್ಮಾನಿಸಲಾಯಿತು.

 ಈ ಸಂದರ್ಭ ಟ್ರಸ್ಟಿ ವಿಶ್ವನಾಥ ಸುವರ್ಣ, ಅಧ್ಯಕ್ಷರಾದ ಸುಧಾಕರ್ ಶೆಟ್ಟಿ, ಅರ್ಚಕರಾದ ಶ್ರೀನಿವಾಸ ಉಡುಪ, ಮಾರ್ಗದರ್ಶಕರಾದ ಗೀತಾಂಜಲಿ ಎಂ.ಸುವರ್ಣ, ವೀಣಾ ಎಸ್. ಶೆಟ್ಟಿ, ಸತೀಶ್ ದೇವಾಡಿಗ, ವಿಘ್ನೇಶ್ ನೀಲಾವರ, ಸ್ಮಿತಾ ಪ್ರವೀಣ್, ಸುಪ್ರೀತಾ, ಲಕ್ಷ್ಮೀ ನೀಲೇಶ್, ಗೌರವ ಉಪಸ್ಥಿತರು, ವಿಶೇಷ ಆಹ್ವಾನಿತರು, ಭಕ್ತಾಧಿಗಳು ಉಪಸ್ಥಿತರಿದ್ದರು.